ບໍລິສັດ ລາວແອນຕີໄວຣັສ ແມ່ນບໍລິສັດຊ່ຽວຊານລາວກ່ຽວກັບໄພຄຸກຄາມທາງຄອມພິວເຕີມາຫລາຍກວ່າ10ປີ ສ້າງຄວາມໝັ້ນໃຈໃນການບໍລິການລູກຄ້າດ້ວຍຄວາມຮູ້ຄວາມສາມາດ ແລະ ຈາກປະສົບການຂອງພວກເຮົາ.

ບໍລິສັດ ໄດ້ມີການຮ່ວມມືກັບບໍລິສັດ G-Data Antivirus ເຊິ່ງແມ່ນບໍລິສັດຂອງປະເທດເຢຍລະມັນ ໃນຮູບແບບການແລກປ່ຽນ ຕົວຢ່າງໄວຣັດສ ແລະ ບັນດາເຕັກນິການກວດສອບລະບົບຄວາມປອດໄພ.

ພ້ອມກັນນັ້ນທາງບໍລິສັດກໍ່ໄດ້ມີແຜນການທີ່ຊັດເຈນທີ່ຈະຮ່ວມມືກັບບໍລິສັດຂອງ ສສ ຫວຽດນາມ BKHAO Antivirus, ເຊິ່ງຍັງລໍຖ້າໃຫ້ໄດ້ຮັບອະນຸຍາດຈາກ ລັດຖະບານເພື່ອປະສານງານ

ຈຸດປະສົງຂອງບໍລິສັດແມ່ນການສະໜອງຄວາມປອດໄພທາງຄອມພິວເຕີ້ ໂດຍຄົນລາວ ມາດຕະຖານສາກົນ. ເປົ້າໝາຍຂອງບໍລິສັດ ແມ່ນ:

1. ສ້າງລະບົບບໍລິຫານຈັດການ ແລະ ປ້ອງກັນ ຄວາມສ່ຽງທາງດ້ານການໂຈມຕີຜ່ານລະບົບຄອມພິວເຕີ ທີ່ມີລັກສະນະຊາດ ໂດຍນຳໃຊ້ເຕັກນິກ ແລະ ບົດຮຽນຊອງຊ່ຽວຊານຂອງສາກົນ ມາຮັບໃຊ້ຄົນລາວ

2. ປັບໃຫ້ການບໍລິການມີຄວາມແທດເໝາະ ມີລັກສະນະສະເພາະຂອງຄົນລາວ ໂດຍຄົນລາວ ແລະ ເພື່ອຄົນລາວ ໃນລາຄາທີ່ທຸກຄົນສາມາດເຂົ້າເຖິງໄດ້

3. ຍົກສູງການບໍລິການ ແບບທັນໃຈ ເຂົ້າເຖິງ ແລະໂປ່ງໃສ